ᒧᓖᒃ ᐋᓐᓂᐊᓂᖏᒃ

 ᓱᓇᐅᓂᖓᑕ ᐅᖃᐅᓯᐅᖅᑳᕐᓂᖓ

ᒧᓖᒃ ᐊᑲᐅᓐᖏᓕᐅᕈᑎᒋᒐᔭᖅᑕᖏᓐᓂᒃ ᐊᑐᖅᑕᐃᓕᓂᖅ. ᐊᑲᐅᓂᖅᐸᐅᕗᖅ ᑕᒪᑐᒧᖓ ᓄᑕᕋᖅ ᐊᓈᓇᖓᑕ ᒧᓕᖓᓂᒃ ᒥᓗᑦᑎᑎᑦᓯᐊᕆᐊᑦᓴᐅᑎᒋᓗᒍ ᓯᕗᓪᓕᖅᐹᒥ ᐊᒫᒪᒋᐊᓕᖅ ᐊᓈᓇᒥᓂᑦ. ᐊᓈᓇᖓᑕ ᐊᒻᒪ ᓄᑕᕋᐅᑉ ᐅᕕᓂᖏᒃ ᐊᑦᑐᖃᑦᑕᐅᑎᑦᓴᐅᑎᒋᓗᒋᒃ ᓄᑕᕋᖅ ᐃᓅᓕᖅᑲᒻᒥᐅᑎᓪᓗᒍ ᓯᕗᓪᓕᖅᐹᖓᓂ ᐃᑲᕐᕋᒥ ᒪᕐᕉᓐᓂᓘᓐᓃᑦ ᓄᑕᕋᖅ ᐊᒫᒪᑦᓯᐊᕈᓐᓇᓯᑦᓴᐅᑎᒋᖁᓪᓗᒍ ᐊᓈᓇᖓᓂᑦ. ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᑕᐃᔭᐅᔪᑦ ᐊᒫᒪᑦᑎᑦᓯᓂᖅ ᐊᓈᓇᖓᓂᑦ - ᐱᒋᐊᑦᓯᐊᑦᓴᐅᑎᒋᓂᖅ ᐊᒻᒪ ᐱᒻᒪᕆᐅᓂᖓ ᐊᓈᓇᐅᑉ ᕿᑐᕐᖓᖓᑕᓗ ᐅᕕᓂᒃᑯᑦ ᐊᑦᑐᐊᑦᓴᐅᑎᒋᒋᐊᖃᓂᖓ.

ᓯᕗᓪᓕᖅᐹᒥ ᐊᓇᓇᐅᑉ ᒧᓕᖏᒃ ᐊᑲᐅᓐᖏᓕᐅᕈᑎᖃᓲᖑᕗᑦ ᐊᑕᐅᓯᕐᒥᒃ ᐅᕝᕙᓘᓐᓃᑦ ᒪᕐᕉᓐᓂᒃ ᐱᔾᔪᑎᖃᖅᑐᑎ. ᓄᑕᕋᖓ ᐊᒫᒪᑦᑎᑕᐅᓪᓗᓂ ᐊᓈᓇᒥᓂᑦ ᐃᓂᓪᓚᖓᑦᓯᐊᖏᓐᓂᖓᓄᑦ ᐊᒻᒪᓘᓐᓃᑦ ᒥᓗᑦᑎᓯᒪᑦᓯᐊᖏᓐᓂᖓᓄᑦ ᐅᕝᕙᓘᓐᓃᑦ ᑕᒪᕐᒥᒃ ᐊᑐᐸᑕ. ᑭᓯᐊᓂ, ᓄᑕᕋᖅ ᒥᓪᓗᐊᑦᓯᐊᕈᓐᓇᖅᑐᖅ ᐃᒻᒧᒻᒥᒃ ᐊᓈᓇᒥᓂᑦ ᒥᓗᑦᑎᓯᒪᑦᓯᐊᖅᐸᑦ ᒧᓕᖓᓂᒃ. (ᐊᒫᒪᒋᐅᖅᓴᑦᓯᐊᖅᐸᑦᑐᑦ ᐊᑐᖅᐸᓪᓕᐊᓪᓗᒍ). ᑕᒪᓐᓇ, “ᒥᓪᓗᐊᕐᓂᖅ” ᐊᑲᐅᓐᖏᓕᐅᕈᑕᐅᕙᑦᑐᖅ ᒥᓗᑦᑎᓯᒪᑦᓯᐊᖏᓐᓂᖓᓄᑦ. ᐊᒥᕐᓗᓐᓂᖅ ᒧᓕᖏᑎᒍᑦ (ᒪᓕᓪᓗᒋᑦ ᑲᓇᑕᒥ ᐱᕈᖅᑐᓕᕆᓂᒃᑯᑦ ᐊᒥᕐᓗᓐᓇᑐᓂᒃ, Candida albicans) ᐊᑲᐅᓐᖏᓕᐅᕈᑕᐅᑐᐃᓐᓇᕆᐊᖃᕐᒥᔪᑦ ᒧᓕᖏᑎᒍᑦ ᐊᒥᕐᓗᓐᓂᒃᑯᑦ.  ᖃᓪᓗᓈᑎᑐᑦ ᑕᐃᔭᐅᔪᑦ Vasospasm (ᐊᒥᕐᓗᓐᓂᖅ ᒧᓕᐅᑉ ᑕᖃᖏᑎᒍᑦ ᒥᓗᑦᑎᓯᒪᑦᓯᐊᖅᓯᒪᓐᖏᓐᓂᒃᑯᑦ ᐊᒻᒪ/ᐅᕝᕙᓘᓐᓃᑦ ᐊᒥᕐᓗᓐᓂᕐᒧᑦ) ᐊᑲᐅᓐᖏᓕᐅᕈᑕᐅᑐᐃᓐᓇᕆᐊᖃᕐᒥᔪᖅ ᐊᒫᒪᖏᑕ ᒧᓕᖏᑎᒍᑦ (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᐊᑐᐃᓐᓇᐅᔪᑦ ᑕᐃᔭᐅᓪᓗᑎᒃ ᐅᑯᐊ ᑕᐃᔭᐅᔪᑦ Vasospasm and Raynaud’s Phenomenon). ᑕᒪᓐᓇ ᐊᑲᐅᓐᖏᓕᐅᕈᑎᖃᕐᓂᖅ ᒥᓗᑦᑎᓯᒪᑦᓯᐊᓐᖏᓐᓂᖓᓄᑦ ᐊᒻᒪ ᒥᓪᓗᐊᑦᓯᐊᓐᖏᓐᓂᖓᓄᑦ ᓄᑕᕋᐅᑉ ᐋᓐᓂᓇᖅᑐᖅ ᓯᕗᓪᓕᕐᒥ ᓄᑕᕋᖅ ᐅᖁᒻᒥᖅᓯᑎᓪᓗᒍ ᒧᓕᓐᓂᒃ ᑭᓯᐊᓂ ᐋᓐᓂᓇᕈᓐᓇᐃᓪᓕᕙᓪᓪᓕᐊᓲᖅ ᓄᑕᕋᖅ ᐊᒫᒪᑦᑎᑕᑐᖃᕆᓕᖅᓱᒍ. ᑭᓯᐊᓂ, ᐋᓐᓂᓇᓗᐊᓕᖅᐸᑦ, ᒧᓕᖓᓂᒃ ᒥᓗᑦᑎᓯᒪᑦᓯᐊᖃᑦᑕᖏᓐᓂᕐᒧᑦ ᐊᒻᒪ/ᐅᕝᕙᓘᓐᓃᑦ ᒥᓪᓗᐊᑦᓯᐊᓐᖏᓐᓂᖓᓄᑦ ᐊᑯᓂᐅᓂᖅᓴᖅ ᐊᑐᖅᑕᐅᒍᓐᓇᖅᑐᑦ ᐊᒫᒪᑦᑎᑦᓯᓂᒃᑯᑦ. ᐋᓐᓂᐊᕈᑎᖃᕐᓂᖅ ᐊᒥᕐᓗᓂᕐᒧᑦ ᐊᑐᖅᑕᐅᓲᖑᒻᒪᑦ ᐊᒫᒪᑦᑎᑦᓯᓂᖓ ᐱᔭᕇᕋᑕᖅᑎᓪᓗᒍ ᑭᓯᐊᓂ. ᐊᕐᓇᐃᑦ ᐅᖃᓲᑦ ᐋᓐᓂᕐᓇᖅᑐᒻᒪᕆᐊᓘᓲᖑᒻᒪᒡᒎᖅ ᒥᓗᑦᑎᓯᒪᑦᓯᐊᖏᓐᓂᖓᓄᑦ ᒧᓕᖓᓂᒃ ᐅᕝᕙᓘᓐᓃᑦ ᒥᓪᓗᐊᑦᓯᐊᓐᖏᓐᓂᖓᓄᑦ ᒧᓕᖓᓂᒃ. ᐋᓐᓂᐊᓂᖓ ᐊᒥᕐᓗᓐᓂᖓᓄᑦ ᐅᖃᐅᓯᕆᔭᐅᖃᑦᑕᓲᖑᒻᒪᑦ ᖃᓯᓕᓇᖅᑐᐊᓘᓂᖓ ᑭᓯᐊᓂ ᑕᐃᒪᐃᑦᑐᓴᐅᓐᖏᒃᑲᓗᐊᖅᑎᓪᓗᒍ ᐱᐅᓯᑐᐃᓐᓇᐅᑎᓪᓗᒍ. ᒧᓕᒃᑯᑦ ᐋᓐᓂᐊᓕᒃᑲᓐᓂᕈᓐᓇᖅᑐᖅ ᐋᓐᓂᐊᖃᑦᑕᕈᓐᓇᐃᖅᑐᕕᓂᐅᓗᓂ ᐱᔾᔪᑎᖃᕐᓗᓂ ᐊᒥᕐᓗᒻᒥᒃ ᑕᐃᔭᐅᔪᒥᒃ Candidal infection, ᑭᓯᐊᓂ ᑕᒪᓐᓇ ᐊᒥᕐᓗᒃ Candidal ᐊᓯᖏᓐᓂᓪᓗ ᐋᓐᓂᐊᕈᑎᖃᕐᓗᓂ ᒧᓕᒻᒥᓄᑦ, ᑕᐃᒪᐃᒻᒪᑦ ᑕᐃᒪᓐᖓᓕᒫᑐᐃᓐᓇᖅ ᐋᓐᓂᐊᖏᑦᑑᒍᓐᓇᖏᑦᑐᖅ. ᐸᓂᓗᐊᕐᓂᖅ ᒧᓕᒃᑯᑦ ᐱᔾᔪᑎᖃᑐᐃᓐᓇᕆᐊᓕᒃ ᐱᕈᖅᑐᒥᒃ ᐋᓐᓂᐊᕈᑎᖃᕐᓂᒃᑯᑦ. ᐅᕕᓂᕐᓗᓐᓂᖅ ᒧᓕᒃᑯᑦ ᐊᑲᐅᓐᖏᓕᐅᕈᑕᐅᑐᐃᓐᓇᕆᐊᓕᒃ. ᐊᓯᖏᑦ ᐊᒥᓱᐃᑦ ᐱᔾᔪᑕᐅᑐᐃᓐᓇᕆᐊᖃᕐᒥᔪᑦ ᒧᓕᒃᑯᑦ ᐃᓱᐃᓪᓕᐅᓂᒃᑯᑦ ᐋᓐᓂᐊᓂᒃᑯᑦ.

ᐃᓂᓪᓚᖓᑎᑦᓯᑦᓯᐊᕐᓂᖅ ᐊᒻᒪ ᒥᓗᑦᑎᓯᒪᑦᓯᐊᕐᓂᖅ ᒧᓕᖓᓂᒃ Proper Positioning and Latching
 
(ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᒥᓗᑦᑎᓯᒪᑦᓯᐊᕐᓂᖓᔪᑦ, When Latching)

ᐊᔪᒐᐃᑦᑑᖏᑦᑐᖅ ᐊᕐᓇᐃᑦ ᐊᑲᐅᓐᖏᓕᐅᕈᑎᖃᕈᓐᓇᕐᓂᖓ ᐃᓂᓪᓚᓂᒃᑯᑦ ᐊᑲᐅᓐᖏᒍᑎᖃᕈᓐᓇᕐᓂᖓ ᐊᒻᒪ ᒥᓗᑦᑎᓯᒪᑦᓯᐊᕆᐊᖃᕐᓂᒃᑯᑦ ᒧᓕᖓᓂᒃ ᐊᓈᓇᐅᑉ ᓄᑕᕋᕐᒧᑦ. ᐊᓈᓇᐅᔪᖅ ᐃᓂᓪᓚᑎᑦᓯᑦᓯᐊᖅᓯᒪᑉᐸᑦ, ᒥᓗᑦᑎᓯᒪᑦᓯᐊᕈᓐᓇᕐᒪᑦ ᓄᑕᕋᕐᒥᑦ ᒧᓕᒻᒥᒃ ᐊᒻᒪ ᐅᖁᒻᒥᑎᑦᓯᓯᐊᕐᓂᖅ ᐊᓈᓇᐅᔪᒧᑦ ᐋᓐᓂᓇᓐᖏᓐᓂᖅᓴᐅᒍᓐᓇᕐᒪᑦ, ᐊᒻᒪᓗ ᓄᑕᕋᐅᑉ “ᐳᓪᓚᖃᓐᖏᓂᖅᓴᐅᔾᔪᑎᒋᔪᓐᓇᖅᓱᓂᔾᔪᒃ” ᐱᔾᔪᑎᒋᓪᓗᒍ ᒥᓗᑦᑎᓯᒪᑦᓯᐊᖅᓯᒪᓂᖅ ᒧᓕᒻᒥᒃ ᓄᑕᕋᐅᑉ ᐊᒫᒪᑦᓯᐊᕈᑎᒋᔪᓐᓇᕐᓂᖅᓴᕆᒻᒪᐅᒃ. ᐃᒫᒃ, ᐅᖁᒻᒥᐊᑦᓯᐊᓐᖏᓐᓂᖅ ᓄᑕᕋᐅᑉ ᐊᓈᓇᖓᑕ ᒧᓕᖓᓂᒃ ᐅᖁᒪᐃᓪᓕᕙᓪᓕᐊᓐᖏᒍᑕᐅᒍᓐᓇᖅᑐᖅ, ᐅᕝᕙᓘᓐᓃᑦ ᐊᒫᒪᑦᓯᐊᓐᖏᒍᑕᐅᓗᓂ, ᐅᕝᕙᓘᓐᓃᑦ ᕿᐊᖏᓐᓇᐅᔭᕈᑕᐅᔪᓐᓇᖅᑐᖅ (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᕿᐊᖏᓐᓇᕐᓂᐊ ᓄᑕᕋᐅᑉ ᐊᒫᒪᑦᑑᑉ ᐊᓈᓇᖓᓂᑦ, Colic in the Breastfed Baby). ᐊᒻᒪ ᑕᑯᒋᐊᕐᓗᒋᑦ ᐅᕙᓂ ᖃᕆᑕᐅᔭᒃᑯᑦ nbci.ca ᑕᑯᓐᓇᕋᒃᓴᐃᑦ ᐃᓕᓴᐃᒍᑎᒃᓴᐃᑦ ᓄᑕᕋᐅᑉ ᒥᓗᑦᑎᓯᒪᑦᓯᐊᕆᐊᖃᕐᓂᖓᓄᑦ ᐊᓈᓇᖓᑕ ᒧᓕᖓᓂᒃ, ᑐᑭᓯᒋᐊᕈᑎᒃᓴᐃᑦ ᓄᑕᕋᖅ ᐃᒻᒧᑐᑦᓯᐊᕋᓗᐊᕐᒪᖔᑦ ᐊᓈᓇᒥᓂᑦ ᐊᒻᒪ ᖃᓄᖅ ᐊᑐᕆᐊᖅ ᒥᓪᓗᐊᕈᑎᒥᒃ.

ᐃᓂᓪᓚᑎᑦᓯᐊᕐᓂᖅ-ᑐᑭᓯᒋᐊᕈᑎᒃᓴᐃᑦ, ᐆᑦᑑᑎᖃᓂᖅ ᓴᐅᒥᖔᖓᓂᑦ ᒫᒪᑦᑎᑦᓯᓂᖅ ᐊᓈᓇᖓᓂᑦ
(ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᑕᐃᔭᐅᔪᑦ ᒥᓗᑦᑎᓯᒪᑦᓯᐊᕐᓂᖅ ᒧᓕᖓᓂᑦ ᐊᓈᖓᑕ ᐊᒻᒪ ᑕᕐᕆᔭᒐᒃᓴᖅ ᐅᓇ ᖃᕆᑕᐅᔭᒃᑯᑦ nbci.ca)

ᐃᓂᓪᓚᖓᑎᑦᓯᓯᐊᕐᓂᒃᑯᑦ ᐊᓈᓇᖓᑕ ᓕᖓᓂᒃ ᐅᖁᒻᒥᑎᑦᓯᓯᐊᕈᓐᓇᐳᖅ. ᓯᕗᓪᓕᐹᒥ ᒥᓗᑦᑎᓯᒪᑦᓯᐊᕈᓂ ᒧᓕᖓᓂᒃ ᐃᓂᓪᓚᖓᑦᓯᐊᕐᓗᓂ ᓄᑕᕋᖅ ᐊᒫᒪᒐᔭᑐᖅ.

ᓯᕗᓪᓕᕐᒥ, ᐱᒡᒐᓇᓐᖏᓐᓂᖅᐸᐅᕗᖅ ᐊᒥᓱᓄᑦ ᐊᓈᓇᐅᔪᓄᑦ ᓴᕐᓕᐊᕐᓗᒍ ᓯᑦᑐᖓᑦᓯᐊᑎᓪᓗᒍ ᐃᓂᓪᓚᖓᓗᓂ ᓄᑕᕋᖓ ᒥᓗᑦᑎᓯᒪᑦᓯᐊᕐᓂᐊᕐᒪᑦ ᒧᓕᖓᓂᒃ. ᓴᕐᓕᐊᕐᓗᒍ ᓄᑕᕋᖅ ᑕᓕᖅᐱᓐᓄᑦ ᑕᓕᕐᓄᑦ, ᓄᑕᕋᐅᑉ ᐅᑉᐸᑎᖏᒃ ᐊᔭᑉᐹᑦᓯᐊᕐᓗᒋᒃ ᑕᓕᕐᓄᑦ ᐊᒡᒐᑎᑦ ᐊᑐᐃᓐᓇᐅᑦᓯᐊᕐᓂᐊᕐᒪᑕ ᐊᒫᒪᑦᑎᑦᓯᒋᐊᖅ (ᐊᒫᒪᓐᓄᐊᖓᓗᑎᒃ). ᑕᐃᒫᒃ ᐃᓱᐊᕐᓂᖅᓴᐅᒐᔭᕐᒪᑦ ᑎᒍᒥᐊᑦᓯᐊᕆᐊᖅ ᓄᑕᕋᕐᒥᒃ ᑕᓕᕐᓄᑦ ᐊᒡᒐᐅᑎᑐᐃᓐᓇᐅᖏᑦᑐᒃᑯᑦ ᐅᕝᕙᓘᓐᓃᑦ ᐊᒡᒐᑐᐃᓐᓇᐅᖏᑦᑐᒃᑯᑦ. ᑕᐃᒫᒃ ᓄᑕᕋᕐᒥᒃ ᓴᕐᓕᐊᕐᓗᓂ ᐊᑲᐅᓈᕐᓂᖅᓴᒻᒪᕆᐅᒻᒪᑦ ᐊᓈᓇᖓᑕ ᒧᓕᖓᓂᒃ ᒥᓗᑦᑎᓯᒪᑦᓯᐊᖁᓪᓗᒍ.  ᐊᒡᒐᓐᓄᑦ ᐊᔭᑉᐹᑦᓯᐊᕐᓗᒍ ᓄᑕᕋᖅᐱᑦ ᓂᐊᖁᖓ (ᑐᐃᖓᑎᖒᓐᖏᑦᑐᖅ ᐅᕝᕙᓘᓐᓃᑦ ᖁᖓᓯᖓᒎᓐᖏᑦᑐᖅ). ᑯᓪᓗᐃᑦ ᑎᑮᓪᓗ ᐊᑐᐃᓐᓇᐅᑦᓯᐊᕋᔭᕐᒪᑎᒃ ᑎᒍᒥᐊᕆᐊᖅ ᖁᖓᓯᖓᓂᒃ ᓄᑕᕋᐅᑉ (ᓂᐊᖁᖓᑕ ᐊᑖᒎᓐᖏᑦᑐᖅ). ᓄᑕᕋᐅᑉ ᑎᒥᖓ ᓯᑦᑐᖓᑦᓯᐊᕐᓗᓂ, ᓂᐊᖁᖓᓗ ᒪᑭᒋᐊᒐᓛᑦᓯᒪᓗᒍ, ᐊᒻᒪ ᓴᕝᕕᖓ, ᓈᖓᓗ ᐊᒻᒪ ᓂᐅᖏᒃ ᐊᑦᑐᐊᓗᑎᒃ ᑎᒥᓐᓄᐊᖓᓗᓂ ᓵᓐᖓᓂᖓ ᑕᑯᔪᓐᓇᕐᓂᐊᕐᒪᑦ ᐃᓕᓐᓂᒃ. ᑎᒍᒥᐊᑦᓯᐊᕐᓗᒍ ᐊᒫᒪᐃᑦ, ᐃᕕᐊᖐᑦ ᑕᓕᖅᐱᓐᓄᑦ, ᑯᓪᓗᓐᓄᑦ ᖁᓛᒍᑦ ᑎᒍᒥᐊᕐᓗᒍ ᐊᒻᒪ ᐊᑖᒍᑦ ᐊᒡᒐᓐᓄᑦ, ᒧᓕᑉᐱᑦ ᖁᓛᒍᑦ ᒧᓕᒃᑰᖏᑦᑐᖅ.

ᓄᑕᕋᖅ ᐋᖅᑭᑦᓯᐊᖅᓯᒪᓕᕋᔭᖅᑐᖅ ᐊᒫᒪᒋᐊᖅ ᓂᐊᖁᖓ ᖓᓗᓂ ᐊᒫᒪᒻᒥᓄᑦ. ᒧᓕᖓᓄᑦ ᐊᓈᓇᖓᑕ ᓄᑕᕋᐅᑉ ᖃᓂᖓ ᐋᖅᑭᑦᓯᐊᖅᓯᒪᓕᕋᔭᕐᒪᑦ ᐊᒫᒪᒥᓄᑦ.

 

ᐅᖁᒻᒥᑎᑦᓯᓯᐊᕐᓂᖅ

1.    ᑕᕝᕙᓂ ᓄᑕᕋᐅᑉ ᖃᓂᖓ ᐊᐃᑦᑕᑎᑦᓯᐊᕈᓐᓇᖅᓯᒐᔭᖅᑐᖅ. ᑕᒪᓐᓇ ᐋᖅᑭᑦᓯᐊᕈᓐᓇᖅᑐᖅ ᐊᒫᒪᕕᑦ ᒧᓕᖓ ᒪᕿᑎᖅᑳᕐᓗᒍ, ᓄᑕᕋᐅᑉ ᖃᓂᖓᓄᐊᖓᑦᓯᐊᖅᑎᓪᓗᒍ, ᓄᑕᕋᕕᑦ ᖃᓂᐊᓂ ᕿᓚᖓᓄᑦ (ᐅᖃᖓᓅᖏᑦᑐᖅ), ᐱᓗᐊᓐᖏᓪᓗᒍ, ᒥᑭᔪᑯᓗᒻᒥᒃ, ᖃᓂᖓ ᐊᑕᖏᕐᓗᒍ. ᐅᕝᕙᓘᓐᓃᑦ ᓄᑕᕋᐅᑉ ᖃᓂᖓ ᐊᑦᑐᐊᑎᑲᑕᖅᑳᕐᓗᒍ ᒧᓕᓐᓄᑦ, ᑕᒪᓐᓇ ᐊᓈᓇᐅᔪᑦ ᐃᓚᖏᓐᓄᑦ ᐃᓱᐊᕆᔭᐅᓂᖅᐸᐅᓲᖑᒻᒪᑦ. ᓄᑕᕋᖅ ᐊᐃᑦᑕᖅᓯᐊᕆᖅᑳᕐᓗᒍ ᓲᕐᓗ ᐊᐃᑦᑕᐅᖅᑐᑎᑐᑦ. ᓄᑕᕋᐃᑦ ᖃᓂᓪᓕᒍᕕᐅᒃ ᐊᒫᒪᓐᓄᑦ, ᑕᓪᓗᑐᐊᖓ ᐊᑦᑐᐊᒍᓐᓇᖅᑐᒃᓴᐅᔪᖅ ᐊᒫᒪᓐᓄᑦ. ᑎᒍᕈᓗᑐᐃᓐᓇᖏᓪᓗᒍ ᑎᒥᖓ ᓄᑕᕋᐅᑉ ᖃᓂᖓᓄᑦ ᒧᓖᑦ ᐊᑐᐃᓐᓇᕈᑦᓯᐊᕐᓂᐊᕐᒪᑦ. ᒧᓖᑦ ᐊᑐᐃᓐᓇᕈᖅᑎᑦᓯᐊᖅᓯᒪᒋᐊᓕᒃ ᓄᑕᕋᐅᑉ ᖃᓂᖓᑕ ᕿᓚᖓᓄᑦ.

2.  ᓄᑕᕋᖅ ᖃᓂᕐᒥᓂᒃ ᐊᐃᑦᑕᑎᑦᓯᑉᐸᑦ, ᑕᓕᕐᓄᑦ ᓴᕐᓕᐊᕈᑎᓐᓄᑦ ᓯᑦᑐᖓᑎᑦᓯᐊᕐᓗᒍ ᓄᑕᕋᖅ (ᑎᒍᒥᐊᕈᓗᑐᐃᓐᓇᖏᓪᓗᒍ) ᐊᒫᒪᕕᑦ ᓴᓂᐊᓄᑦ. ᐃᓱᒫᓗᒋᓐᖏᓪᓗᒍ ᓄᑕᕋᐅᑉ ᐊᓂᖅᑎᕆᓂᖓ. ᓄᑕᕋᖅ ᐃᓂᓪᓚᖓᑦᓯᐊᕈᓂ ᐊᒻᒪ ᒥᓗᑦᑎᓯᒪᑦᓯᐊᖅᐸᑦ ᒧᓕᓐᓂᒃ, ᐊᓂᖅᑎᕆᑦᓯᐊᕈᓐᓇᕐᒪᑦ ᐊᑲᐅᓐᖏᓕᐅᕈᑎᖃᓐᖏᓪᓗᓂ ᕿᖓᖓ ᐊᑦᑐᐊᒐᔭᓐᖏᑦᓯᐊᕐᒪᑦ ᐊᒫᒪᖓᓄᑦ. ᑕᐃᒪᓕ ᐊᓂᖅᑎᕆᑦᓯᐊᕈᓐᓇᖏᒃᑯᓂ, ᐲᕆᐊᓲᖑᒻᒪᑦ ᐊᒫᒪᑦᑕᒥᓂᑦ. ᑕᐃᒪᓗ ᐊᓂᖅᑎᕆᒍᓐᓇᑦᓯᐊᓐᖏᒃᑯᓂ, ᓇᓗᓇᓐᖏᑦᑐᖅ ᒥᓗᑦᑎᓯᒪᑦᓯᐊᓐᖏᑦᑐᖅ ᒧᓕᒥᓂᒃ. ᐃᓱᒫᓗᓐᖏᓪᓗᑎᑦ ᐋᖅᑭᒋᐊᑦᓴᐅᑎᒋᔪᓐᓇᕋᕕᐅᒃ.

3.  ᑕᐃᒪᓕ ᒧᓖᒃᑯᑦ ᓱᓕ ᐋᓐᓂᐊᒍᕕᑦ, ᕿᑎᖅᓯᓐᓄᑦ ᒧᓖᑦ ᓄᐃᑎᒋᐊᕐᓗᒍ ᓄᑕᕋᐅᑉ ᑕᓪᓗᖓᓄᐊᖓᑎᓪᓗᒍ; ᑕᐃᒫᒃ ᖃᓂᓪᓕᒋᐊᓪᓚᒐᔭᕐᒪᑦ ᐊᒫᒪᐃᑦ ᓄᑕᕋᐅᑉ ᖃᓂᖓᓄᑦ. ᑕᒪᓐᓇ ᐊᑐᕆᐊᖃᑐᐃᓐᓇᕆᐊᓖᑦ ᐊᒫᒪᑦᑎᑦᓯᓂᕐᓂ, ᑭᓯᐊᓂ ᐱᖅᑯᓯᐅᒡᒍᖏᑦᑐᖅ. ᐋᓐᓂᐊᓂᖅ ᐃᑯᓪᓚᐅᒥᕙᓪᓕᐊᓲᖅ. ᓄᑕᕋᐃᑦ ᐲᑎᑲᑕᖏᓪᓗᒍ ᐊᒫᒪᑕᖓᓂᑦ ᐊᒥᓱᐊᑎᑲᑕᓪᓗᒍ ᐅᖁᒥᑎᑦᓯᐊᕋᓱᐊᕐᓗᒍ. ᓄᑕᕋᐃᑦ ᐅᖁᒻᒥᐊᕈᓐᓇᐃᑲᑕᑉᐸᑦ ᒧᓕᓐᓂᒃ ᑕᓪᓕᒪᕕᓪᓗᓂ (5) ᐊᒻᒪ ᐋᓐᓂᕐᓇᐸᑦ, ᐋᓐᓂᒃᑲᓐᓂᖃᑦᑕᕋᔭᕋᕕᑦ ᑕᓪᓕᒪᕕᒃᑲᓐᓂᕐᓗᑎᑦ, ᐊᒻᒪ ᐃᓱᐊᖏᒋᐊᒃᑲᓐᓂᕋᔭᕋᕕᑦ, ᑕᓪᓕᒪᖏᓱᕐᓗᓂ ᐊᑲᐅᖏᓕᐅᕈᑎᒋᒋᐊᓪᓚᒐᔭᕐᒪᑦ ᒧᓕᓐᓄᑦ, ᐊᒻᒪ ᓄᑕᕋᐃᓪᓗ ᑕᒪᑦᓯᒃ ᐊᑲᐅᖏᓕᐅᕋᔭᕋᑦᑎᒃ. ᐋᖅᑭᑦᓯᐊᕆᐊᕐᓗᒍ ᒥᓗᑦᑎᓯᒪᑦᓯᐊᕆᐊᖃᕐᓂᖓ ᐊᒫᒪᓐᓂᒃ ᐃᓪᓗᐊᓂᒃ ᐊᒫᒪᑦᑎᑦᓯᒍᕕᐅᒃ, ᐅᕝᕙᓘᓐᓃᑦ ᑭᖑᓪᓕᕐᒥ ᐊᒫᒪᑦᑎᓐᓂᐊᓕᕐᒥᒍᕕᐅᒃ.

4.    ᑕᐃᒫᑦᑕᐃᓐᓇᖅ ᐊᒫᒪᑦᑎᑦᓯᒍᓯᖃᖅᑐᒃᓴᐅᕗᑎᑦ ᐃᒃᓯᕙᒍᕕᑦ ᐅᕝᕙᓘᓐᓃᑦ ᓇᓪᓚᖓᖃᑎᖃᕋᓗᐊᕈᕕᑦ ᓄᑕᕋᕐᓃᕕᑦ ᐅᕝᕙᓘᓐᓃᑦ ᐃᕿᒻᒥᓗᒍ ᐅᕝᕙᓘᓐᓃᑦ ᓴᕐᓕᐊᕐᓗᒍ ᓇᓪᓚᖓᑎᓪᓗᒍ. ᓄᑕᕋᖅ ᐊᐃᑦᑕᑎᕐᔪᐊᕆᐊᕐᓗᒍ; ᐅᖁᒥᖅᓯᑎᓐᖏᑲᐃᓐᓇᕐᓗᒍ ᒧᓕᓐᓂᒃ, ᑭᓯᐊᓂ ᒧᓖᑦ ᓄᐃᑎᒋᐊᑦᓯᐊᕐᓗᒍ (ᑲᔫᓂᖓ ᐃᕕᐊᖏᖅᐱᑦ) ᖃᓂᖓᓄᑦ (ᑕᒪᕐᒥᐊᓘᓐᖏᑦᑑᒐᓗᐊᖅ ᒧᓕᓕᒫᑦ).

5.    ᐅᖃᖅᓯᒪᔪᖃᓐᖏᒻᒪᑦ “ᐱᐅᓯᖃᕆᐊᒃᓴᖅ” ᖃᓄᖅ ᐊᑯᓂᐅᑎᒋᔪᖅ ᐊᒫᒪᑦᑎᑦᓯᒋᐊᖅ. ᐊᐱᖅᓲᑎᒃᓴᖃᕈᕕᑦ, ᐅᖄᓚᓗᑎᑦ ᐋᓐᓂᐊᓯᐅᑎᒃᑯᓐᓄᑦ.

6.   ᓄᑕᕋᖅ ᐅᖁᒻᒥᐊᑦᓯᐊᕈᓂ ᒧᓕᓐᓂᒃ ᐅᖁᒻᒥᐊᑦᓯᐊᕐᓂᖅᓴᐅᒐᔭᖅᑐᖅ ᖃᓂᖓᑕ ᐊᑖᓂ ᕿᓚᖓᒎᓐᖏᑦᑐᖅ.

ᑕᑯᒋᐊᕐᓗᒋᑦ ᑕᑯᓐᓇᕋᒃᓴᓕᐊᖑᓯᒪᔪᑦ ᑐᑭᓯᒋᐊᕈᑏᑦ ᐅᕙᓂ ᖃᕆᑕᐅᔭᒃᑯᑦ nbci.ca

ᓄᑕᕋᕐᒥᒃ ᒥᓪᓗᐊᑎᑦᓯᓂᖅᓴᐅᒋᐊᕐᓂᖅ

ᓄᑕᕋᖅ ᐃᓕᓐᓂᐊᓲᒍᕗᖅ ᒥᓪᓗᐊᑦᓯᐊᕐᓂᒃᑯᑦ ᐊᒫᒪᑦᑎᑕᐅᓗᓂ ᐊᓈᓇᒥᓂᑦ ᐊᒻᒪ ᐃᒻᒧᒻᒥᒃ ᒥᓗᑦᓯᑦᓯᐊᖃᑦᑕᕈᓂ ᖃᓂᕐᒥᓄᑦ. ᐃᓚᖏᑦ ᓄᑕᕋᐃᑦ ᒥᓪᓗᐊᑦᓯᐊᓐᖏᑐᐃᓐᓇᕆᐊᓖᑦ ᐅᕝᕙᓘᓐᓃᑦ ᐊᓈᓇᒥᓂᑦ ᐊᒫᒪᑦᑎᑕᐅᓐᖏᑦᑐᑦ ᐊᑐᖅᑎᓪᓗᒋᑦ ᒧᓕᓐᖑᐊᓂᒃ ᐅᕝᕙᓘᓐᓂᑦ ᐃᓅᓕᓵᖅᑎᓪᓗᒋᑦ ᐅᖁᒻᒥᖅᓯᑎᑕᐅᑦᓯᐊᖃᑦᑕᕐᓂᖏᒃᑯᑎᒃ. ᐃᓚᖏᑦ ᓄᑕᕋᐃᑦ ᐊᑯᓂ ᐊᒫᒪᒥᓂᒃ ᒥᓪᓗᐊᑦᓴᐅᑎᒋᓲᖑᓐᖏᒻᒪᑕ. ᐃᓕᓴᕆᐊᖃᓲᑦ ᒥᓪᓗᐊᕆᐊᖅ ᐊᒻᒪ/ᐅᕝᕙᓘᓐᓃᑦ ᐊᒡᒐᓐᓄᑦ ᐃᑲᔪᖅᑕᐅᒋᐊᖃᓲᑦ (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᐅᑯᐊ ᐊᒡᒐᓄᑦ ᐊᒻᒪ ᐊᒫᒪᑦᑎᑦᓯᓂᑦ, Finger and Cup Feeding) ᐃᑲᔪᕆᐊᓪᓚᒍᑕᐅᔪᓐᓇᖅᑰᕐᒪᑕ, ᑭᓯᐊᓂ ᖃᐅᔨᒪᓗᑎᑦ, ᓄᑕᕋᖅ ᐲᖅᑎᖃᑦᑕᕐᓗᒍ ᐊᒫᒪᑦᑎᓪᓗᒍ ᐊᑲᐅᓐᖏᑦᑐᖅ ᐊᒻᒪ ᐊᑐᖅᑕᐅᖃᑦᑕᖅᑐᒃᓴᐅᔪᖅ ᑭᓯᐊᓂ ᐊᑐᕆᐊᖃᓪᓚᕆᑦᑐᑑᓕᖅᐸᑦ.

Vasospasm: “ᒧᓕᒐ ᖃᑯᖅᓯᓗᐊᖃᑦᑕᕐᒪᑦ ᓄᑕᕋᖅ ᐊᒫᒪᓐᓂᑦ ᐲᑐᐊᕋᒃᑯ”

ᑖᓐᓇ ᐃᓱᐃᓪᓕᐅᕈᑎᖃᕐᓂᖅ ᒧᓕᒃᑯᑦ ᐊᓈᓇᐅᔪᓄᑦ ᐅᖃᐅᓯᕆᔭᐅᓲᑦ “ᖃᓯᓕᓇᕐᓂᕋᖅᑕᐅᓪᓗᓂ”, ᑭᓯᐊᓂ ᑕᒪᓐᓇ ᐊᑐᖅᑕᐅᓕᓲᖅ ᐊᒫᒪᑦᑎᑦᓯᓚᐅᖅᑎᓪᓗᒍ.  ᑕᒪᓐᓇ ᐊᑐᑐᐃᓐᓇᕆᐊᖃᖅᑕᐃᑦ ᐊᑯᓂᐅᓐᖏᑦᑐᑦ ᐅᕝᕙᓘᓐᓃᑦ ᐊᑯᓂᐅᓂᖅᓴᖅ, ᒧᓖᑦ ᐱᐅᓯᕐᒥᓄᑦ ᑖᒃᑯᓂᖓ ᐅᑎᓚᐅᓐᖏᓐᓂᖓᓂᒃ, ᑭᓯᐊᓂ ᐋᓐᓂᐊᕈᑎᒋᔪᓐᓇᖅᑕᐃᑦ ᐊᓈᓇᐅᔪᓄᑦ “ᑎᓪᓕᑕᖅᑐᖅ”. ᑕᒪᓐᓇ ᑎᓪᓕᑦᑕᕐᓂᖅ ᐃᓱᐃᓪᓕᐅᕐᓂᖅ ᕿᓚᒥᐊᐱᐅᒍᓐᓇᖅᑐᑦ ᐅᕝᕙᓘᓐᓃᑦ ᐊᑯᓂᐅᓂᖅᓴᒃᑯᑦ ᐊᒻᒪ ᑭᖑᓂᐊᒍᑦ ᒧᓕᒃ ᖃᑯᖅᓯᓗᓂ ᐊᒻᒪ ᑕᐃᒪᐃᑲᑕᒍᓐᓇᖅᑐᑦ ᐊᑕᐅᓯᐊᓐᖏᓪᓗᓂ. ᐱᔾᔪᑕᐅᑐᐃᓐᓇᕆᐊᓕᒃ ᑕᖃᖏᑕ ᓱᑲᑦᑕᕐᓂᖏᑦ    (ᑕᐃᔭᐅᒡᒍᔪᑦ ᖃᓪᓗᓈᑎᑐᑦ “vasospasm” ᐅᕝᕙᓘᓐᓃᑦ Raynaud’s Phenomenon) ᒧᓕᒃᑯᑦ (ᖃᑯᓗᐊᓕᕐᒪᑦ ᒧᓕᖓ), ᑭᖑᓂᐊᒍᓪᓗ ᖃᓄᐃᒍᓐᓇᐃᖅᓱᓂ ᑕᖃᖓᑎᒍᑦ (ᒧᓕᖓᑕ ᑕᖅᓴᖓ ᐅᑎᑐᐊᕐᒪᑦ ᐱᐅᓯᖓᓄᑦ). ᐃᓛᓐᓂᒃᑯᑦ ᑕᒪᓐᓇ ᐃᓱᐃᓪᓕᐅᕐᓂᖅ ᐊᑐᖅᑕᐅᓲᖅ ᐊᒫᒪᑦᑎᑦᓯᒍᓐᓇᐃᖅᑐᑐᖃᐅᒐᓗᐊᖅᑎᓪᓗᒍ, ᑕᐃᒪᐃᒻᒪᑦ ᐊᓈᓇᐅᔪᑦ ᐋᓐᓂᖃᑦᑕᓕᕐᓗᓂ ᑭᖑᓂᐊᒍᑦ ᐊᒫᒪᑦᑎᑦᓯᓚᐅᕐᓗᓂ ᑭᓯᐊᓂ, ᐊᒫᒪᑦᑎᑦᓯᒍᓐᓇᐃᖅᐸᑦ. ᖃᓄᐃᓕᐅᕈᑕᐅᔪᓐᓇᖅᐸ ᑕᒪᓐᓇ?  

  1. ᐃᒃᐱᒍᓱᑦᓯᐊᕐᓗᑎᑦ ᓄᑕᕋᐅᑉ ᒥᓗᑦᑎᓯᒪᑦᓯᐊᕆᐊᖃᕐᓂᖓᓂᒃ ᒧᓕᓐᓂᒃ. ᑕᒪᓐᓇ ᐃᓱᐃᓪᓕᐅᕐᓂᑦ ᐊᑐᖅᑕᐅᖏᓐᓇᓲᖑᒻᒪᑦ ᐊᒫᒪᑦᑎᑦᓯᔪᓄᑦ ᒧᓕᒃᑯᑦ. ᑕᒪᑐᒧᖓ ᐊᑲᐅᓐᖏᓕᐅᕈᑕᐅᔪᒧᑦ ᐊᑲᐅᓂᖅᐸᐅᕗᖅ ᐋᖅᑭᒋᐊᕈᑎᒃᓴᓕᐅᕐᓂᖅ ᒧᓕᑉᐱᑦ ᐋᓐᓂᐊᓂᖏᓐᓄᑦ. ᐋᓐᓂᐊᕈᑕᐅᔪᖅ ᒧᓕᓐᓄᑦ ᐋᖅᑭᒃᐸᑦ, ᐊᒥᕐᓗᓐᓂᖅ ᐊᓯᐅᓲᖅ.  
  2. ᓂᕈᒥᑦᑐᑦ (ᐊᓪᓚᕈᑎ ᐆᓇᖅᑎᑦᓯᒪᓗᒍ, ᐃᒪᕐᓗ ᐴᖅᓯᒪᔪᖅ ᐆᓇᖅᑐᖅ, ᓄᔭᕐᓄᑦ ᐸᓂᖅᑎᐅᑎᒃ) ᐊᑐᑦᓴᐅᑎᒋᔪᓐᓇᖅᑐᑦ ᐊᒫᒪᑦᑎᑦᓯᕋᑖᕐᓗᓂ ᐃᓱᐊᖅᓯᒍᑕᐅᑐᐃᓐᓇᕆᐊᓖᑦ ᐅᕝᕙᓘᓐᓃᑦ ᐃᑯᓪᓚᐅᒥᒍᑕᐅᓗᑎᒃ. ᐸᓂᖅᑐᑦ ᐆᓇᖅᑐᑦ ᐊᑲᐅᓂᖅᓴᐃᑦ ᖃᐅᓯᕐᓂᑦ, ᐱᔾᔪᑎᒋᓪᓗᒍ ᖃᐅᓯᖅᑐᑦ ᐊᑲᐅᓐᖏᓕᐅᕈᑕᐅᒋᐊᓪᓚᑐᐃᓐᓇᕆᐊᖃᕐᒪᑕ ᒧᓕᓐᓄᑦ.
  3. ᑕᐃᔭᐅᔪᖅ Vitamin B6 ᑎᒥᒻᒧᑦ ᓴᓐᖏᓴᐅᑏᑦ ᐄᖅᑲᖅᑕᐅᔪᓐᓇᕐᒥᔪᑦ, ᐊᒻᒪ ᐊᑐᖅᑕᐅᔪᓐᓇᕐᒥᔪᑦ ᑕᐃᔭᐅᔪᑦ magnesium ᐃᓚᖃᕐᓗᑎᒃ ᐆᒥᖓ calcium. ᐃᓛᓐᓂᒃᑯᑦ, ᐊᑐᕆᐊᖃᓲᑦ ᖃᓂᒃᑯᑦ ᐊᑲᐅᓯᒋᐊᕈᑎᓂᒃ (ᑕᐃᔭᐅᔪᒥᒃ nifedipine) ᐃᑯᓪᓚᐅᒥᒍᑕᐅᒍᓐᓇᖅᑐᒥᒃ ᑕᒪᑐᒧᖓ ᐊᑐᖅᑕᐅᕙᑦᑐᒧᑦ. ᑐᑭᓯᒋᐊᒃᑲᓐᓂᕈᒪᔪᖃᕈᓂ ᐃᑲᔪᕈᑎᒃᓴᓂᒃ ᑕᑯᒋᐊᕐᓗᒋᑦ ᐅᑯᐊ, Vasospasm and Raynaud’s Phenomenon)

ᐃᒃᐱᒋᔭᕆᐊᓖᑦ ᒧᓖᒃ ᐋᓐᓂᐊᕈᔪᓐᓂᖏᓐᓄᑦ

  1. ᒧᓖᒃ ᓂᕈᒥᑦᑑᑎᑕᐅᔪᓐᓇᕐᒪᑕ ᐊᑯᓂᐅᓐᖏᑦᑐᖅ ᐊᒫᒪᑦᑎᑦᓯᓂᒃᑯᑦ, ᐊᑐᕐᓗᓂ ᓄᔭᕐᓄᑦ ᐸᓂᕈᑎᓄᑦ ᐃᑯᒪᓗᐊᓐᖏᓪᓗᓂ.
  2. ᒧᓖᒃ ᐊᓃᖓᑎᑦᓯᐊᕆᐊᖃᕐᒪᑎᒃ ᐊᔪᓐᖏᓂᓕᒫᒃᑯᑦᒃ, ᑭᓯᐊᓂ ᐱᕈᖅᑐᒃᑯᑦ ᐋᓐᓂᐊᕐᓂᕐᓗᖃᖅᑎᓪᓗᒋᒃ ᑕᐃᔭᒥᒃ  vasospasm.
  3. ᒧᓖᒃᑭᑦ ᓄᐃᑎᒋᐊᓪᓚᒍᓐᓇᖏᑉᐸᑎᒃ, ᐊᐅᑦᑕᔫᑦ ᒧᓕᓐᖑᐊᑦ (ᓯᒥᑦᓯᒍᑕᐅᓐᖏᑦᑐᑦ ᒧᓕᓐᓂᑦ, ᐃᓱᒪᑦᑎᒍᑦ, ᐊᑲᐅᓈᖅᑐᑦ ᐊᑐᕆᐊᖏᑦ ᒧᓕᒃᑯᑦ ᐋᓐᓂᐊᕈᑎᖃᕐᓗᓂ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐊᑲᐅᓐᖏᓕᐅᕈᑎᖃᕐᓗᓂ) ᐊᑐᖅᑕᐅᔪᓐᓇᖅᑐᑦ ᐋᓐᓂᐊᕇᒃᑯᑕᐅᓗᑎᒃ ᒧᓕᓐᓄᑦ ᐅᕝᕙᓘᓐᓃᑦ ᖃᓄᑐᐃᓐᓇᖅ ᐊᓐᓄᕌᓄᑦ ᐊᒃᓴᓗᑳᖅᑕᐅᑦᑕᐃᓕᓂᕐᒧᖅ (ᐊᑐᕆᐊᕐᓗᑎᑦ ᐊᖏᓂᖅᐹᓂ ᑭᓪᓚᓕᓐᓂᒃ ᐃᕕᐊᒌᓐᓄᑦ ᐊᑲᐅᓐᖏᓕᐅᕈᑕᐅᓂᐊᓐᖏᒻᒪᑦ ᐊᐅᑦᑕᔫᖅ). ᐊᒫᒪᑦᑎᑦᓯᓂᕐᒧᑦ ᐊᑐᖅᑕᐅᕙᑦᑐᑦ ᑭᓈᒌᒃᑯᑏᑦ ᖃᓪᓗᓈᖅᑕᖅ ᐸᓂᕇᒃᑯᑕᐅᔪᓐᓇᖅᑐᖅ ᒧᓖᓐᓄᑦ ᐊᒻᒪ ᐊᑲᐅᓐᖏᓕᐅᕈᑕᐅᑐᐃᓐᓇᕆᐊᓕᒃ.   ᑕᒪᒃᑯᐊ ᑭᓈᒌᒃᑯᑎᑦ ᐊᑲᐅᓐᖏᓕᐅᕈᑕᐅᔪᓐᓇᖅᑐᑦ ᒧᓕᓐᓄᑦ. ᑭᓈᔪᒻᒪᕆᐅᒍᕕᑦ ᐃᕕᐊᖏᒃᑯᑦ ᐊᑐᕐᓗᒋᑦ ᑭᓈᒌᒃᑯᑏᑦ ᐊᒫᒪᓐᓄᑦ.
  4.  ᐃᓛᓐᓂᒃᑯᑦ ᐃᑲᔪᕈᑕᐅᔪᓐᓇᖅᑐᑦ ᐊᒥᐊᕈᑏᑦ ᐅᖅᓱᖅᑎᕈᑏᑦ, ᒥᑭᔫᓈᖅᑎᒻᒪᕆᓪᓗᒍ ᐊᑐᖅᑕᐃᑦ ᐊᒫᒪᑦᑎᑦᓯᒌᕈᕕᑦ ᐊᒻᒪ ᐃᕐᒥᑦᑕᐃᓕᓗᒍ.  ᐊᑐᓲᔪᒍᑦ “ᑕᒪᐃᓐᓄᑦ ᐊᑐᕈᓐᓇᖅᑐᓂᒃ ᒧᓖᓐᓄᑦ ᐅᖅᓱᖅᑎᕈᑎᒥᒃ”, “all purpose nipple ointment” (APNO) ᐃᑲᔪᕈᑕᐅᔪᓐᓇᑦᓯᐊᖅᑐᒥᒃ. ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᐅᑯᐊ ᑕᐃᔭᐅᔪᑦ Candida Protocol ᒪᓕᒃᑕᐅᔪᓐᓇᖅᑐᑦ ᐅᖅᓱᑎᕈᑎᓕᐅᕐᓂᕐᒧᑦ. ᖃᐅᔨᒪᓗᒍ, ᖃᓄᐃᑦᑐᑐᐃᓐᓇᐃᑦ ᐊᒥᐊᕈᑏᑦ ᐅᕝᕙᓘᓐᓃᑦ ᐅᖅᓱᕈᑏᑦ ᐊᑐᖅᑕᐅᔪᓐᓇᖅᑐᑦ ᒧᓕᓐᓄᑦ ᓴᓗᐊᖅᓯᑯᑖᒋᐊᖃᓐᖏᑦᑐᑦ.
  5. ᒧᓖᒃᑭᒃ ᐃᕐᒥᑲᑕᐃᓐᓇᖏᓪᓗᒋᒃ. ᐅᓪᓗᖅ ᐊᑕᐅᓯᕕᓪᓗᓂ ᐅᕕᓂᓐᓂᐊᕐᓂᖅ ᓈᒻᒪᒌᕐᒪᑦ.
  6. ᓄᑕᕋᐃᑦ ᖁᐃᑦᑎᕙᓪᓕᐊᑦᓯᐊᖅᐸᑦ, ᐃᓪᓗᒌᓐᓂᒃ ᐊᒫᒪᑦᑎᖃᑦᑕᖏᒃᑲᓗᐊᕐᓗᒍ ᖃᓄᐃᓐᖏᑦᑐᖅ ᐊᒫᒪᑦᑎᒋᐊᑕᒫᑦ. ᐋᓐᓂᐊᖏᓐᓂᖅᓴᐅᒐᔭᕋᕕᑦ ᐃᕕᐊᖏᒃᑯᑦ, ᐊᒻᒪ ᓱᒃᑲᓂᖅᓴᒥᒃ ᒪᒥᑉᐸᓪᓕᐊᒐᔭᕋᕕᑦ ᐃᓪᓗᐃᓇᖓᓂᒃ ᐊᒫᒪᑦᑎᖃᑦᑕᕐᓗᒍ ᓄᑕᕋᐃᑦ ᐊᒫᒪᒋᐊᖅᑕᒫᑦ, ᑭᓯᐊᓂᑦᑕᐅᖅ ᐃᒃᐱᒍᓱᑦᓯᐊᕆᐊᖃᖅᑐᑎᑦ, ᐊᓈᓇᐅᔪᓕᒫᑦ ᐊᑕᖏᕐᓗᑎᒃ ᐃᓪᓗᐃᓐᓇᖓᓂᒃ ᐊᒫᒪᑦᑎᑦᓯᔪᓐᓇᖏᒻᒪᑕ ᐊᒫᒪᑦᑎᑦᓯᒋᐊᑕᒫᑦ ᐅᕝᕙᓘᓐᓃᑦ ᐊᒫᒪᑦᑎᑦᓯᖏᑦᓯᐊᒻᒪᕆᑦᑐᑦ. ᕿᒥᕐᕈᓗᒋᑦ ᑕᑯᓐᓇᕋᒃᓴᐃᑦ ᐃᑲᔪᒃᑲᓐᓂᕈᑎᒃᓴᐃᑦ ᖃᕆᑕᐅᔭᒃᑯᑦ ᐅᕘᓇ, website nbci.ca ᖃᐅᔨᒪᑦᓯᐊᕋᔭᕋᕕᑦ ᖃᖓ ᓄᑕᕋᖅ ᐃᒻᒧᑦᑐᓕᖅᐸᑦ  (ᐃᒻᒧᑦᑐᖏᒻᒪᖔᓪᓘᓐᓃᑦ). ᐃᑲᔪᕋᔭᖅᑐᖅ ᑕᒪᓐᓇ ᐃᕕᐊᖐᒃᑭᒃ ᑕᑕᓗᐊᖅᑎᓪᓗᒋᒃ (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᐃᕕᐊᖐᓐᓂᒃ ᑕᑕᓗᐊᕈᓐᓇᐃᑎᑦᓯᒐᓱᐊᕐᓂᖅ), ᓄᑕᕋᖅ ᐊᒫᒪᑦᑕᒥᓂᒃ ᐄᓯᒍᓐᓇᐃᓪᓕᑐᐊᖅᐸᑦ ᐃᒻᒥᓂᒃ ᐃᒻᒧᒥᓂᒃ. ᐊᒫᒪᑦᑎᒐᓚᒍᓐᓇᑐᐃᓐᓇᕆᐊᓖᑦ, ᑭᓯᐊᓂ ᑕᒪᕐᒥᒃ ᐊᓈᓇᐅᔪᑦ ᑕᐃᒪᐃᒍᓐᓇᖏᒻᒪᑕ. ᖃᓄᑐᐃᓐᓇᖅ ᐃᓱᐃᓪᓕᐅᖅᑐᖃᖅᑎᓪᓗᒍ, ᐃᒻᒧᒃᓴᖅ ᓄᑕᕋᕐᓄᑦ (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᐃᒻᒧᑦᑐᕐᓂᕐᒧᑦ ᐃᑲᔪᕈᑎᒃᓴᐃᑦ, sheet Lactation Aid) ᐊᑐᖅᑕᐅᔪᓐᓇᖅᑐᑦ ᐃᓚᒋᐊᕈᑎᒋᓗᒍ ᐊᒫᒪᑦᑕᖓᓄᑦ (ᐊᓈᓇᖓᓐᓃᓐᖔᖅᑐᖅ ᐱᐅᓂᖅᓴᖅ), ᓄᑕᕋᖅ ᐊᒫᒪᒌᑦᓯᐊᖃᑦᑕᖁᓪᓗᒍ ᐃᓪᓗᐊᓂᑦ ᐊᒫᒪᑦᑕᖓᓂᑦ. ᓄᑕᕋᐅᑉ ᐃᒻᒧᖓᓂᑦ ᐊᓈᓇᒥᓂᑦ ᐊᓯᐊᒎᕐᕕᖃᕈᓐᓃᖅᐸᑦ ᐊᒫᒪᑦᑎᒍᓐᓇᐃᕐᓗᒍ.

ᓄᑕᕋᐃᑦ ᐊᒫᒪᖓᓄᐊᕆᐊᖅ ᐋᓐᓂᕐᓇᓗᐊᕐᓂᖓᓄᑦ, ᐊᔾᔨᒌᓐᖏᑦᑐᓂᒃ ᐆᒃᑐᕋᖃᑦᑕᕋᓗᐊᖅᑎᓪᓗᑎᑦ, ᓱᓕ ᐊᒫᒪᑦᑎᒍᓐᓇᑐᐃᓐᓇᕆᐊᓖᑦ ᐊᒫᒪᖃᑦᑕᓐᖏᓚᐅᑲᑦᑎᓪᓗᒍ (ᐅᓪᓗᓂ 3-5,ᓂ) ᒧᓖᒃᑭᒃ ᒪᒥᓐᓇᓱᐊᕐᓂᖏᓐᓂᒃ.  ᑕᒪᓐᓇ ᐊᑐᕐᓂᕐᓂ, ᐊᑲᐅᓂᖅᓴᐅᒐᔭᖅᑐᖅ ᓄᑕᕋᐃᑦ ᐊᒫᒪᑦᑎᖃᑦᑕᖏᓪᓗᒍ ᐊᐅᑦᑕᔫᒧᑦ ᒧᓕᓐᖑᐊᒧᑦ. ᑭᓯᐊᓂ ᐊᑲᐅᓂᖅᓴᐅᒻᒥᔪᖅ ᐃᓕᓐᓄᑦ ᐊᒻᒪ ᓄᑕᕋᕐᓄᑦ ᓄᑕᕋᐃᑦ ᐊᒫᒪᑦᑎᖃᑦᑕᕈᕕᐅᒃ ᐃᒻᒧᓐᓃᕕᑦ ᐃᓕᓐᓂᑦ. ᓄᑕᕋᐃᑦ ᐃᒻᒧᑦᑐᖅᑎᖃᑦᑕᕐᓗᒍ ᖃᓪᓗᑎᒥᑦ ᐅᕝᕙᓘᓐᓃᑦ “ᐊᒡᒐᓐᓄᑦ”, “finger feeding” (ᑕᑯᒋᐊᕐᓗᒋᑦ ᑐᑭᓯᒋᐊᕐᕕᒃᓴᐃᑦ ᑕᐃᔭᐅᔪᑦ ᐊᒡᒐᒻᒧᑦ ᐊᒫᒪᑦᑎᑦᓯᓂᖅ, Finger an Cup Feeding). ᓱᓕ, ᐃᒃᐱᒋᔭᐅᑦᓯᐊᕆᐊᓕᒃ ᑕᒪᓐᓇ ᐊᑐᖅᑕᐅᓗᓂ ᑭᓯᐊᓂ ᑖᓐᓇᑑᓕᖅᐸᑦ ᐊᒻᒪ ᓄᑕᕋᐅᑉ ᐊᒫᒪᒍᓐᓇᐃᕐᓂᖓ ᐱᓐᖑᐊᖑᓐᖏᒻᒪᑦ. ᑕᐃᒪᓗ, ᐊᔪᕐᓇᕈᓐᓇᖅᑐᓂ.

ᐊᑐᑕᐅᖁᒐᔭᖏᑕᕗᓪᓕ ᒧᓕᓐᓄᑦ ᒪᑑᓪᓗᑎᒃ ᐊᒫᒪᑦᑎᑦᓯᒍᑎᓂᒃ ᐱᔾᔪᑎᒋᓪᓗᒍ, ᐃᑲᔪᕈᑕᐅᔪᓐᓇᕋᓗᐊᖅᓱᑎᒃ ᐃᓛᓐᓂ, ᑕᐃᒪᓐᖓᓕᒫᑲᓴᒃ ᐃᑲᔪᕈᑕᐅᓐᖏᓐᓂᖅᓴᐅᒻᒪᑕ ᐊᒫᒪᑦᑎᑦᓯᓂᒃᑯᑦ. ᐊᓪᓛᑦ, ᐊᑲᐅᓐᖏᓕᐅᕈᑕᐅᒃᑲᓐᓂᕈᑕᐅᓲᖑᒻᒪᑕ ᒧᓖᓐᓄᑦ. ᐊᒻᒪᓗ ᐃᕕᐊᖏᐅᑉ ᐃᒻᒧᖓᓂᒃ ᐊᓂᐊᒍᓐᓇᐃᖅᑎᑦᓯᒍᓐᓇᖅᑐᑦ, ᐊᒻᒪ ᓄᑕᕋᕐᒧᑦ ᐊᒫᒪᒍᒪᒍᓐᓇᐃᕈᑕᐅᑐᐃᓐᓇᕆᐊᓖᑦ ᐊᒻᒪ/ᐅᕝᕙᓘᓐᓃᑦ ᖁᐃᑦᑎᑉᐸᓪᓕᐊᒍᑕᐅᔪᓐᓇᐃᕈᓐᓇᖅᓱᑎᒃ. ᓄᑕᕋᐅᑉ ᓱᖏᐅᑎᓯᒪᖅᐸᒋᑦ, ᐊᓪᓛᑦ ᓄᑕᕋᖅ ᐊᒫᒪᒍᒪᒍᓐᓇᐃᑦᓯᐊᑐᐃᓐᓇᕆᐊᓕᒃ ᐃᓕᓐᓂᑦ. ᐊᓯᐊᓂᒃ ᐃᑲᔪᕈᑎᒃᓴᖃᕈᓐᓇᐃᖅᐸᑦ ᐃᑲᔪᖅᑎᒃᓴᖅᓯᐅᖅᑐᒃᓴᐅᕗᑎᑦ.

ᐊᐱᖅᑯᑎᒃᓴᐃᑦ?  ᓯᕗᓪᓕᖅᐹᒥ ᑕᑯᒋᐊᕐᓗᒋᑦ ᖃᕆᑕᐅᔭᒃᑯᑦ ᐅᓇ website nbci.ca ᐅᕝᕙᓘᓐᓃᑦ ᐅᕙᓂ drjacknewman.com.  ᑭᓐᖒᒪᔭᑎᑦ ᑐᑭᓯᒋᐊᕐᕕᒃᓴᐃᑦ ᐊᑐᐃᓐᓇᐅᖏᑉᐸᑕ, ᑕᑯᒋᐊᕐᓗᒋᑦ ᐅᖃᕆᑦᓯ  ᐅᕙᑦᑎᓐᓄᑦ,  Contact Us ᐊᒻᒪ ᖃᐃᓪᓗᒋᓪᓗ ᑭᓐᖒᒪᔭᑎᑦ ᑐᑭᓯᒋᐊᕐᕕᒃᓴᐃᑦ ᖃᕆᑕᐅᔭᒃᑯᑦ.  ᐊᒻᒪ ᑐᑭᓯᒋᐊᕐᕕᒃᓴᐃᑦ ᐊᑐᐃᓐᓇᐅᒋᕗᑦ ᐅᑯᓇᓂ The Ultimate Breastfeeding Book of Answers ᐊᒥᐊᓕᑲᒥ); ᐊᒻᒪ/ᐅᕝᕙᓘᓐᓃᑦ ᕿᓪᓕᖅᑐᒦᑦᑐᖁᑎᕗᑦ,  ᐊᒻᒪ ᑐᑭᓯᒋᐊᕐᕕᒃᓴᐃᑦ ᐊᑐᐃᓐᓇᐅᒋᕗᑦ ᐅᑯᓇᓂ, Dr. Jack Newman’s Visual Guide to Breastfeeding (ᐊᑐᐃᓐᓇᐅᔪᑦ ᐅᐃᒍᐃᑎᑐᑦ ᐅᕝᕙᓘᓐᓂᑦ ᑎᑎᕋᖅᓯᒪᔪᑦ ᔅᐹᓂᔅᑎᑐᑦ, ᐳᐊᑦᓯᒌᑎᑐᑦ ᐊᒻᒪ ᐃᑖᓕᐊᓂᑎᑐᑦ); ᐊᒻᒪ/ᐅᕝᕙᓘᓐᓂᑦ ᐅᑯᐊ ᐅᖃᓕᒫᒐᒃᓴᐃᑦ ᒥᓗᑦᑎᓯᒪᑦᓯᐊᕐᓂᕐᒧᑦ ᐊᒫᒪᖓᓂᒃ ᐊᒻᒪ ᐊᓯᖏᑦ ᐃᑲᔪᒃᑲᓐᓂᕈᑎᒃᓴᐃᑦ ᐊᓈᓇᖓᓂᑦ ᐊᒫᒪᑎᑦᓯᑦᓯᐊᕐᓂᕐᒧᑦ; The Latch Book and Other Keys to Breastfeeding Success; ᐊᒻᒪ/ᐅᕝᕙᓘᓐᓂᑦ ᒥᓗᑦᑎᓯᒪᑦᓯᐊᕐᓂᕐᒧᑦ ᒧᓕᖓᓂᒃ ᐊᒻᒪ ᐊᓯᖏᑦ ᐃᑲᔪᕈᑎᒃᓴᐃᑦ; L-eat Latch and Transfer Tool; ᐊᒻᒪ/ᐅᕝᕙᓘᓐᓃᑦ ᐅᑯᐊ GamePlan for Protecting and Supporting Breastfeeding in the First 24 Hours of Life and Beyond, ᐸᕐᓇᒃᑕᐅᓯᒪᔪᑦ ᓴᐳᒻᒥᒍᑎᒃᓴᐃᑦ ᐊᒻᒪ ᐃᑲᔪᒃᑲᓐᓂᕈᑎᒃᓴᐃᑦ ᐊᓈᓇᖓᓂᑦ ᐊᒫᒪᑦᑎᑦᓯᓂᕐᒧᑦ ᓯᕗᓪᓕᐹᓂ ᐃᑲᕐᕋᓂ 24,ᓂ ᐊᒻᒪ ᑭᖑᓂᐊᓂ.

 ᐅᖃᖃᑎᖃᕈᒪᒍᕕᑦ ᑕᑯᔭᐅᔪᒪᓗᑎᑦ ᐃᑲᔪᑕᐅᕕᒻᒧᑦ ᐋᖅᑭᓪᓗᒍ ᐅᓇ ᖃᕆᑕᐅᔭᒃᑯᑦ www.nbci.ca. ᑕᐃᒪᓕ ᖃᕆᑕᐅᔭᓂᒃ ᐊᑐᐃᓐᓇᖃᓐᖏᖁᕕᑦ ᐅᕝᕙᓘᓐᓃᑦ ᖃᕆᑕᐅᔭᒃᑰᕈᑎᒥᒃ, ᐅᖄᓚᒍᓐᓇᖅᐳᑎᑦ ᐅᕗᖓ (416) 498-0002.

ᒧᓖᒃ ᐋᓐᓂᐊᓂᖏᒃ, Sore Nipples, 2009©
ᑎᑎᕋᖅᓯᒪᔪᑦ ᐊᒻᒪ ᐋᖅᑭᒋᐊᖅᓯᒪᔪᑦ (ᐊᓯᐊᓂᒃ ᑕᐃᔭᐅᒍᑎᖃᖅᑎᓪᓗᒋᑦ) ᑎᑎᕋᖅᑕᖏᑦ ᔮᒃ ᓂᐅᒪᓐ, Jack Newman MD, FRCPC, 1995-2005©
ᐋᖅᑭᒋᐊᖅᑕᐅᓯᒪᔪᑦ ᐆᒧᖓ Jack Newman MD, FRCPC, IBCLC ᐊᒻᒪ ᐆᒧᖓEdith Kernerman IBCLC, 2008, 2009©

ᖃᓪᓗᓈᑎᑐᑦ ᑐᑭᓯᒋᐊᕐᕕᒃᓴᐃᑦ ᐅᕙᓂ: www.nbci.ca

 

Newman Breastfeeding Clinic and Institute (NBCI)

Toronto Clinic in the Canadian College of Naturopathic Medicine (CCNM)
1255 Sheppard Avenue East
Toronto, M2K 1E2
ᐅᖄᓚᐅᑎᖓ:  416-498-0002
ᓱᒃᑲᔫᒃᑯᑦ:  416-498-0012

 

NBCI ᐊᖏᖅᑕᐅᓯᒪᔪᑦ ᐅᑯᓄᖓ Accreditation and Approval Review Committee on Education in Human Lactation and Breastfeeding.

 

breastfeeding inc.
1255 Sheppard Avenue East
Toronto, M2K 1E2

PH: 416-498-0002
FAX: 416-498-0012